ខេត្តបន្ទាយមានជ័យ ៖ នៅព្រឹកថ្ងៃទី៥ ខែតុលា ឆ្នាំ២០១៦នេះឯកឧត្ដម ម៉ម ប៊ុនហេង នឹង ឯកឧត្ដម លី សារី អភិបាលរងខេត្តព្រមទាំងលោក វេជ្ជះ បណ្ឌិត កែវ សភ័ត្រា ប្រធានមន្ទីរ សុខាភិបាលខេត្ត អមដំណើដោយលោកវេជ្ជះបណ្ឌិតជាច្រើននាក់ទៀត បានអញ្ជើញចុះត្រួតពិនិត្យ និងធ្វើការផ្សព្វផ្សាយដល់ប្រជាពលរដ្ឋទូទាំងប្រទេសឲ្យធ្វើការប្រុងប្រយ័ត្ន អំពីមេរោគថ្មីជាប្រភេទជម្ងឺឆ្លង ដែលមានឈ្មោះថា ហ្សីការនៅចំណុចច្រកទ្វារអន្តរជាតិប៉ោយប៉ែត ។
ក្នុងពិធីចុះពិនិត្យនឹងផ្សព្វផ្សាយអំពីរោគថ្មី ឯកឧត្ដម ម៉ម ប៊ុនហេង រដ្ថមន្ត្រីក្រសួងសុខាពិបាលបានមានប្រសាសន៍ថា នៅក្នុងប្រទេសកម្ពុជាយើងនេះ អត្រាមរណៈនៃជម្ងឺនេះ ពុំទាន់មាននៅឡើយ ។ បើទោះបីមិនទាន់មាននៅក្នុងប្រទេសកម្ពុជាយ៉ោងណាក៏ដោយ ជម្ងឺនេះអាចបង្កផលវិបាកបន្ទាប់ពីមានការឆ្លងពីមេរោគហ្សីកានេះ រួច ប្រជាពលរដ្ឋមានសភាពដូចជាជម្ងឺទន់ដៃទជើង និងធ្វើឲ្យប៉ះពាល់ដល់ប្រព័ន្ធសសៃប្រាសាទរបស់ស្ត្រីមានផ្ទៃពោះ ទារកអាចស្លាប់នៅក្នុងផ្ទៃម្ដាយ បានបើមិនស្លាប់វិញ ក៏ក្បាលទារកមិនប្រក្រតីដែរ ភាគច្រើនកើតលើស្ដ្រីមានទម្ងន់៣ខែ ហើយរហូតមកដល់ពេលនេះមិនទាន់មានថ្នាំព្យាបាលរោគជម្ងឺហ្សីកានេះឡើយទេ។
ឯកឧត្តមបានបញ្ជាក់ទៀតថា យើងអាចការពារជម្ងឺឆ្លងនេះបានដូចជា ត្រូវលប់បំបាត់ជម្រកមូស ការពារកុំឲ្យមូលខ្លាខាំនៅពេលព្រឹកនិងល្ងាចក្មេងនិងមនុស្ស ចាស់ពេលដេកត្រូវចងម៉ុងទាំងថ្ងៃ ត្រូវស្លៀកសំលៀកបំពាឲ្យបានជិតៗ ជៀសវាងក្នុងទីងងឹត ជាដើម ។ ឯកឧត្តម ម៉ម ប៊ុនហេង បានធ្វើការផ្តាំផ្ញើដល់ប្រជាពលរដ្ឋទូទាំងប្រទេសទាំងអស់ ត្រូវមានការប្រុងប្រយ័ត្នឲ្យបានខ្ពស់បំផុត ប្រសិនបើធើ្វដំណើរទៅកាន់ប្រទេសដែលកំពុងមានការរាត្បាតជម្ងឺហ្សីកានេះ ត្រូវអនុវត្ដឲ្យបានខ្ជាប់ខ្លួន នូវវិធីការពារខ្លួនដូចរាបរាប់ខាងលើបើស្ត្រីមានផ្ទៃពោះវិញ គួរតែជៀសវាងការធើ្វដំណើរទៅកាន់តំបន់នេះ ហើយប្រជាពលរដ្ឋណាសង្ស័យថា ខ្លួនឆ្លងជម្ងឺហ្សីកានេះ ត្រូវទៅមនី្ទពេទ្យជាប្រញាប់ហើយអាចធ្វើការទាក់ទង តាមលេខទូរស័ព្ទ០១២៨២៥៤២៤ និងលេខទូរស័ព្ទ១១៥ បានក្រោយពីចប់ការពិនិត្យ និងធ្វើការផ្សព្វផ្សាយ អំពីជម្ងឺហ្សីកា ជូនដល់អ្នកដំណើរនៅតាមច្រកអន្ដរជាតិប៉ោយប៉ែតរួចមក ឯកឧត្តម ម៉ម ប៊ុនហេង បានចុះទៅសួសុខទុក្ខអ្នកជម្ងឺនៅដេកសំរាកព្យាបាលនៅមន្ទីរពេទ្យបង្អែក ប៉ោយប៉ែតហើយបានសារុងដល់អ្នកជម្ងឺនិងអ្នកកំដមួយម្នាក់ផងដែរ៕
ឈុត ម៉ៅ
