ខេត្តបន្ទាយមានជ័យ ៖ កាលថ្ងៃពី០៥ ខែមីនា ឆ្នាំ២០១៦ នេះប្រពលរដ្ឋនៅក្នុង ភូមិចក្រី ឃុំជប់បូរី ស្រុក ព្រះនេត្រព្រះ ខេត្ត បន្ទាយមានជ័យ បានផ្ដល់ពត៌មានឲសារពត៌មានអំណាចប្រជាជនថាលោក ស៊ុន ថានី អភិបាលរង ស្រុកព្រះនេត្រព្រះ បានចាក់ដីលុបផ្លូវទឹកមិនឲ្យទឹកហូរចុះក្រោម ធ្វើឲ្យលេចលង់ផ្ទះសំបែងរបស់ប្រជាពលរដ្ឋដែលរស់នៅក្នុង ភូមិចក្រី ឃុំជប់បូរី ស្រុកព្រះនេត្រព្រះ ។
ប្រធានគណកម្មការសូរិយោដីស្រុកបានវាស់កំនត់ផ្លូរក្រវាត់ភូមិទុកចំនួន ៤ម៉ែត តែលោក ស៊ុន ថានី អភិបាលរងស្រុកព្រះនេត្រ សព្វថ្ងៃបានធ្វើរបងយកផ្លូវក្រវាត់ភូមិដែលជាផ្លូវសាធារណៈ ទុកឲ្យក្មេងទំនាន់ក្រោយធ្វើដំណើរអស់ ទទឹង២ម៉ែត x ៩៤ម៉ែត និងថែមទាំងធ្វើហ្គាសរ៉ាសសាំង លើចិញ្ចើមផ្លូវប្រហែលជា១ម៉ែតជាងទៀត ។
ប្រជាពលបានមកប្តឹងនៅអាជ្ញាធរស្រុក ក៏ដូចជាអាជ្ញាធខេត្ត តែគ្មានអាជ្ញាធរណាមកដោះស្រាយជូនពូកគាត់ទេ ។ ប្រជាពលរដ្ឋបាននិយាយថា ប្រហែលអាជ្ញាធរស្រុក និងខេត្តទទួលបានលាភសក្ការៈពីលោក ស៊ុន ថានី អភិបាលរងស្រុកព្រះនេត្រព្រះសព្វថ្ងៃនេះច្រើនហើយមើលទៅ ។
ដូច្នេះប្រជាពលក៏បានសំរាច់ចិត្តរួមគ្នា សុំអំពាវនាវដល់សម្ដេចតេជោនាយករដ្ឋន្ត្រី ហ៊ុន សែន មេត្តាជួយធ្វើអន្តរាគមន៍ដល់ពួកគាត់ប្រជាពលរដ្ឋ ដោយអំពាវនាវដល់សម្ដេចតេជោ ហ៊ុន សែន ជួយ ដក់ លោក ស៊ុន ថានី អភិបាលរងស្រុកព្រះនេត្រព្រះសព្វថ្ងៃចេញពីដំណែងកាន់តែឆាប់កាន់ល្អប្រសើ ហើយក៏ជួយ ដក់ លោក ស៊ុន ថានី ដដែលនេះពីគណះបក្សប្រជាជនផងដែរ ។ ប្រសិនបើនៅតែទុកលោក ស៊ុន ថានី អភិបាលរងស្រុកព្រះនេត្រព្រះនេះទៀត គឺប្រៀបដូចជាកំពុងតែទុកសត្វខ្លាដល់កាចសាហាវ ដែលអង្គុយចាំតែឈ្លាតឱកាសខាំត្របាក់រាល់វត្ថុមានជីវិត ដែលមានកំលាំងខ្សោយជាងខ្លួនតែប៉ុណ្ណោះ ព្រោះទង្វើដែលលោក ស៊ុន ថានី អភិបាលរងស្រុកព្រះនេត្រព្រះបានធ្វើសព្វថ្ងៃនេះ មិនខុសពីសត្វខ្លាដល់សាហាវ ដែលចាំតែធ្វើបាបប្រជាពលរដ្ឋរស់នៅក្នុង ភូមិចក្រី ឃុំជប់បូរី ស្រុក ព្រះនេត្រព្រះ ដែលទុនខ្សោយជាងខ្លួន ដោយយកតួនាទីមុខងារ និងកេរ្ដិ៍ឈ្មោះបក្សមកធ្វើឲ្យក្រខ្វក់ខ្មៅជាមួយខ្លួនដែរ៕
