ឧត្តរមានជ័យ ៖ មាតា បីតាសិស្ស និងលោកនាយកសាលាបឋមសិក្សាប្រិយ៍ កំពង់ស្រែកអំពាវរកសប្បុរសជនជួយឌបត្ថម្ភ សម្ភារៈ ឫថវិកា ដើម្បីយកមកកសាងសាលារៀន នៅចំណុចភូមិប្រិយ៍ ឃុំគោកខ្ពស់ ស្រុក បន្ទាយអំពិល ខេត្តឌត្ដមានជ័យ ។
បើបងប្អូនបានអាន ឬបានឃើញរូបភាពតាមរយៈសារព័ត៍មាន អំណាចប្រជាជន គេហទំពរ៍ អំណាចប្រជាជន ប្រហែលជាគិតថា នេះជារូបភាពសាលារៀនកាលពី ៣០-៤០-ឆ្នាំមុន មិនមែនសាលារៀនក្នុងសម័យបច្ចុប្បន្ននេះ ។
ដោយមូលហេតុខ្វះខាតខ្លាំងពេក លោកនាយកសាលាបានសុំអំពាវនាវតាមរយៈសារព័ត៌មានអំណាចប្រជាជន ចំពោះលោកអ្នក ដែលមានចិត្តសប្បុរសធម៌ និងឯកឩត្ដម លោកជំទាវ ដែលមានទ្រព្យសម្បត្តិច្រើនស្ដុកស្ដម្ភ មេត្តា ជួយផ្ដល់សម្ភារៈ ថវិកា ដើម្បីយកមកកសាងសាលារៀនប្រិយ៍ សម្រាប់ឲ្យកូនចៅបានប័ន្តការសិក្សា ពីព្រោះសព្វថ្ងៃសាលារៀនប្រិយ៍កំពង់តែទ្រុឌទ្រោម រង់ចាំតែថ្ងៃរលំតែប៉ុណ្ណោះ ។
មាតា បីតាសិស្ស និងលោកនាយកសាលាបឋមសិក្សាប្រិយ៍ សូមអំពាវនាវដល់លោកនាយករដ្ឌមន្ត្រី
ហ៊ុន សែន និងលោកជំទាវ ប៉ុនរានី ហ៊ុន សែន មេត្តាជួយកសាងសាលារៀននេះសម្រាប់ឲ្យ
កូនចៅបានរៀនសូត្រផង ខ្ញុំបាទនាយកសាលា និងជាមាតាបិតាសិស្ស សូមអរគុណ និងសូមអរព្រះគុណទុកជាមុន៕
អត្ថបទ រូបភាព អំណាចប្រជាជន
