បន្ទាយមានជ័យ ៖ នៅវេលាម៉ោង ៣ ល្ងាចថៃ្ងទី២ ខែតុលា ឆ្នាំ២០១៦ នៅតាមដងផ្លូវជាតិលេខ៥ ចាប់ពីចំណុចផ្លូវចែកជា៤ ចំណុចភោជនីយ៍ដ្ឋាន ផេង ហួរ បុករះរហូតដល់ស្ពានទឹកថ្លាតែម្ដង ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុ បានឲ្យដឹងថា មុនពេលកើតហេតុនោះ មានបុរសម្នាក់ឈ្មោះ ជ្រែង សំណាង ប្រុសអាយុ៣១ឆ្នាំ ធើ្វកម្មករបើកទ្វារឲ្យទាហ៊ានថៃ នៅច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ បានបើករថយន្តម៉ាកតូយូតាហាយទ្រីតពណ៌ស ពាក់ស្លាកលេខ ភ្នំពេញ ២Z ៥១៩៩ បើកចេញពីសែសិន ឆ្ពោះចូលមកខេត្ត ។ លុះបើកមកដល់ចំណុចរង្វង់មូលស្រីគ្រប់លក្ខ័ណ បានបញ្ចូលលេខកុងទ័រដល់ជាង១០០ទាំងកំហឹង បានបើកទៅបុកស្ត្រីម្នាក់ជិះម៉ូតូម៉ាកហុងដាឌ្រីម C125 ពណ៌ខ្មៅ ពាក់ស្លាកលេខ បន្ទាយមានជ័យ ១I 0252 បើកដោយឈ្មោះ លីបឆាយគីម ភេទស្រី អាយុ៣៤ឆ្នាំ រស់នៅភូម៤សង្កាត់ព្រះពន្លា ក្រុងសិរីសោភ័ណ ធា្លយពោះរបួសធ្ងន់ពោះធំ ៣ ខែ បើកម៉ូតូចេញពីផ្សារសិរីសោភ័ណ បុកពេញទំហឹងនៅចំណុចផ្លូវបំបែកជា៤ស្ថិតក្នុងភូមិ ៣ សង្កាត់ព្រះពន្លា ក្រុងសិរីសោភ័ណ ត្រូវបានក្រុមគ្រួសារដឹកយកទៅមន្ទីរពេទ្យធ្វើការសង្គ្រោះភ្លាមៗផងដែរ
ប្រជាពលរដ្ឋនៅកន្លែងកើតហេតុបានបញ្ជាក់ទៀតថា រថយន្តហាយប្រ៊ីតនោះ ក្រោយពីបុកស្ដ្រីនោះហើយ ក៏បន្ថែមល្បឿនទៀតក៏ទៅបុកនិងម៉ូតូ១និងរថយន្ត១គ្រឿងបនែ្ថងទៀត ខ្ទេចអស់នៅចំណុចលើស្ពានថ្មទឹកថ្លា សិ្ថតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ រថយន្ដដែលត្រូវគេបុក ម៉ាកCAMARY ពណ៌ស ស៊េរី១៩៩៣ពាក់ស្លាកលេខ2A 3178 បើកបរដោយឈ្មោះ តាន់ សុវណ្ណារិទ្ធ ភេទប្រុសអាយុ២៨ឆ្នាំ បាក់ភ្លៅអ្នករួមដំណើ ១ ឈ្មោះ ស៊ីម សុខហៀង ភេទស្រីអាយុ២៨ឆ្នាំ ត្រូវជាប្រពន្ធស្លាប់នៅនឹងកន្លែងកើតហេតុ ២ ឈ្មោះកូនស្រីម្នាក់ អាយុ ៣ ឆ្នាំ របួសធ្ងន់ ៣ ឈ្មោះ ផ្លែង ហែម ភេទស្រីអាយុ ៥៩ ឆ្នាំរបួសធ្ងន់.៤.ឈ្មោះ ស៊ីម សំភេទប្រុសអាយុ.៣៣.ឆ្នាំរបួសធ្ងន់.៥.ឈ្មោះអឿនរ៉ាវីភេទស្រីអាយុ.៣២.ឆ្មាំបាក់ភ្លៅ ។ អ្នកទាំង.៦.នាក់.រស់នៅភូមិព្រៃឬស្សី សង្កាត់ព្រះពន្លា ក្រុងសេរីសោភ័ណ ។
ប្រជាពលរដ្ឋនៅកន្លែងកើតហេតុ បានបញ្ចាក់ទៀតថា ក្រោយពីកើតហេតុរូច ជនរងគ្រោះត្រូវបានសមត្ថកិច្ចដឹកបញ្ជួនទៅមន្ទីពេទ្យមិត្តភាពកម្ពុជាជប៉ុន ស្រុកមង្គលបូរី ដើម្បីសង្គ្រោះជីវិតភ្លាមៗផងដែរ ចំណែកសពសមត្ថកិច្ចបានប្រគល់ទៅឲ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី រីឯរយន្តនឹងម៉ូតូត្រូវបានសមត្ថកិច្ចយក់ទៅរក្សាទុក នៅស្នងការនគបាលខេត្ត ដើម្បីដោះស្រាយនៅពេលក្រោយ ៕
