បន្ទាយមានជ័យ ៖ នៅថ្ងៃទី ១៤ ខែ កក្កដា ឆ្នាំ ២០១៦ អាជ្ញាធម៌ឃុំ គោករមៀត លោក នៃ ពៅ, លោក ឈឿ ថៃសាន រួមជាមួយនិង មន្ត្រីទំនាក់ទំនង់ព្រំដែន កម្ពុជា-ថៃ លោក ភិន ឆាង និង លោក សរ ណាង ប្រធានគណៈកម្មការច្រកទ្វារព្រំដែន កម្ពុជា-ថៃ តំបន់ បឹងត្រកួន បានរួមធ្វើកិច្ចសហការណ៏ ជាមួយនឹង អាជ្ញាធម៌ស្រុក តាប្រាយ៉ា ខេត្ត ស្រះកែវ ប្រទេសថៃ ដើម្បីនាំប្រជាពលរដ្ឋនៅក្នុងឃុំ គោករមៀត ឲ្យទទួលបាននូវការពិនិត្យជំងឺ និងទទួលនូវថ្នាំព្យាបាលដោយពុំបាច់ចំណាយថវិការឡើយ ។
នៅក្នុងកិច្ចសហការណ៏នេះដែរ អាជ្ញាធរស្រុក តាប្រាយ៉ា និង មន្ត្រីពេទ្យនៃមន្ទីពេទ្យតាប្រាយ៉ា ដែលរួមជាមួយនឹងក្រុមគ្រូរពេទ្យចល័តចុះជួយថែរក្សាសុខភាពប្រជាពលរដ្ឋជនបទនៃប្រទេសថៃដែលហៅតាមថា PEA ក៏បានធ្វើការទទួលយ៉ាងយកចិត្តទុកដាក់ និង រាក់ទាក់បំផុត ហើយក៏បានចែកជូនអាហាពេលព្រឹក និង ថ្ងៃត្រង់សំរាប់ប្រជាពលរដ្ឋដែលធ្វើការពិនិត្យជំងឺ និង ទទួលនូវថ្នាំព្យាបាលផងដែរ។
ប្រជាពលរដ្ឋដែលបានទៅពិនិត្យជំងឺ និង ទទួលនូវថ្នាំព្យាបាលបានរួមគ្នាធ្វើការថ្លែងអំណអរគុណដល់ អាជ្ញាធម៌ឃុំ គោករមៀត រួមជាមួយនិង មន្ត្រីទំនាក់ទំនង់ព្រំដែន កម្ពុជា-ថៃ និង លោកប្រធានគណៈកម្មការច្រកទ្វារព្រំដែន កម្ពុជា-ថៃ តំបន់ បឹងត្រកួនដែលមានទឹកចិត្តអាណិតអាសូរ និងយកចិត្តទុកដាក់ទៅលើសុខភាពរបស់ពួកគាត់ដោយគ្មានអ្វីអាចកាត់ថ្លៃបាន។
សូមបញ្ជាក់ផងដែរថា កិច្ចសហការណ៏នេះ មិនមែនសំដៅត្រឹមតែការយកចិត្តទុកដាក់ទៅលើសុខភាពរបស់ប្រជាពលរដ្ឋក្នុងតំបន់ប៉ុន្នោះទេ នេះគឺជាការឆ្លុះបញ្ចាំងឲ្យឃើញពីចំណងមិត្តភាពយ៉ាងខ្លាំងរវាងប្រទេស កម្ពុជា និង ប្រទេស ថៃ ថែមទៀតផង៕
