ខេត្តបន្ទាយមានជ័យ ៖ ព្រឹកថ្ងៃទី២ ខែកក្កដា ឆ្នាំ២០១៦នេះ នៅសាលប្រជុំគណៈបក្សប្រជាជនកម្ពុជា ខេត្តបន្ទាយមានជ័យ បានបើកកិច្ចប្រជុំត្រួតពិនិត្យរបាយការណ៍បូកសរុបអំពីលទ្ធផលអនុវត្ដកម្មវិធីនយោបាយរបស់គណៈបក្សប្រជាជនក្នុងការអភិវឌ្ឍន៍ ឃុំ សង្កាត់កន្លងមក ។
កិច្ចប្រជុំនេះមានការចូលរួម លោកឧបនាយរដ្ឋមន្ត្រី កែគឹមយ៉ាន សមាជិក អចិន្រៃ្តយ៍គណៈកម្មាធិការកណ្តាល ប្រធានក្រុមការងារគណៈកមា្មធិការកណ្ដាល ចុះជួយខេត្តបនា្ទយមានជ័យ លោក អ៊ុង អឿម ប្រធានក្រុមប្រឹក្សាខេត្តបនា្ទយមានជ័យ និងមន្ត្រីជាន់ខ្ពស់ថា្នក់ខេត្ត ស្រុក ក្រុងសងា្កត់ ជាច្រើននាក់ទៀតបានចូលរួមផងដែរ ។
ក្នុងកិច្ចប្រជុំនោះ លោក អ៊ុង អឿន បានមានប្រសាសន៍ថា ក្នុងកិច្ចប្រជុំថ្ងៃនេះគឺដើម្បីត្រួតពិនិត្យ
របាយការណ៍បូកសរុបអំពីលទ្ធផលនៃការអនុវត្ដកម្មវិធីនយោបាយរបស់គណៈបក្សក្នុងការអភិវឌ្ឍន៍ ឃុំ សង្កាត់កន្លងមក ។
លោក អ៊ុង អឿន បានបញ្ជាក់ទៀតថា គណៈបក្សខេត្តមានមោទនភាពក្រៃលែងដោយបានយកចិត្ត
ទុកដាក់របស់លោកកែគឹមយ៉ានផ្ទាល់លោកបានផ្តល់ការគាំទ្រទ្រាំងមធ្យោបាយ សម្ភារៈ ថវិការ និងអនុសាសន៍ល្អៗ ដល់បក្សខេត្តធ្វើជាប្រទីបសម្រាប់អនុវត្ដការងាររបស់ខ្លួន សំដៅដំណើរការជោគជ័យលើគ្រប់ការងារ ពិសេសសំដៅទៅកាន់ជ័យជំនះ ក្នុងការបោះឆ្នោតនាពេលខាងមុខនេះ ។
លោក អ៊ុង អឿន បានបញ្ជាក់ទៀតថា ក្នុងចំណោមការងារចំពោះមុខគណៈបក្សកំពុងឆ្ពោះទៅរៀបចំក្រុមបក្ស នៅតាមមូលដា្ឋនដើម្បីទប់ស្កាត់ឧបាយកល ពិសពុលរបស់គណៈបក្សផ្សេង ដែលធ្វើមកលើគណៈបក្សប្រជាជនកម្ពុជា ។ ក្នុងនោះដែរ លោកឧបនាយរដ្ឋមន្ត្រី កែ គឹមយ៉ាន ក៏បានមានប្រសាសន៍ដែរថាលោកសូមខេត្ត ស្រុក ក្រុង ឃុំ សងា្កត់ និងភូមិត្រូវយកចិត្តទុកដាក់បន្តលើការងារបំរើប្រជាពលរដ្ឋ ដូចជាការចុះជួយប្រជាពលរដ្ឋក្រីក្រកំពុងរស់នៅផ្ទះស្បូវ ដែលក្រលំបាកត្រូវ ប្ដូរពីផ្ទះស្បូវទៅប្រកសង្គសីជំនួសវិញ ដើម្បីឲ្យគាត់រស់នៅមានទីជំរកសមរម្យ និងគួបផ្សំនិងវិធានការផ្សេងៗទៀត ដែលជាគុណប្រយោជនដល់សង្គមជាតិ និងជីវភាព រស់នៅរបស់ប្រជាពលរដ្ឋឲ្យស្របតាមពាក្យស្លោកទីណា មានការលំបាកទីនោះ មានគណៈបក្សប្រជាជនកម្ពុជា អ្នកជួយរែកពុនដើម្បីទទួលបានជោគជ័យ នៅពេលបោះឆ្នោតខាងមុខនេះ ៕
