ខេត្តបនា្ទយមានជ័យ ៖ កសិដ្ឋានចិញ្ចមជ្រូកដ៏ធំមួយកនែ្លងភូមិជំទាវ ឃុំឬស្សីក្រោក ស្រុកមង្គលបូរី ខេត្តបនា្ទយមានជ័យ ត្រូវប្រជាពលរដ្ឋបានឲ្យដឹងថារបស់លោក ចៅ ឆុង កសិដ្ឋានចិញ្ចិមជ្រូកនេះ កំពុងបង្កភាពក្តៅក្រហាយយ៉ាងខ្លាំងដល់ការរស់នៅរបស់ពលរដ្ឋ ពីព្រោះចិញ្ចឹមជ្រូកនេះពុំមានស្តងដា អនាម័យ បណ្តាលឲ្យជះក្លិនស្អុយយ៉ាងខ្លាំង ធ្វើឲ្យពលរដ្ឋក្បែរខាង ពិបាកក្នុងការដកដង្ហើម បង្កឲ្យមានក្មេងចាស់ជាច្រើននាក់ធា្លក់ខ្លួនឈឺជាបន្តបនា្ទប់ទៀតផង។
បនា្ទប់ពីប្រជាពលរដ្ឋបានរាយកាណ៍ជូនអាជា្ញធសមត្ថកិច្ចមមូលដា្ឋនជាច្រើនលើកនៅតែគ្មាន
ដំណោះស្រាយនៅឡើង ។ លុះនៅថៃ្ងទី១៦ខែមិថុនាឆ្នាំ២០១៦នេះ ពលរដ្ឋជាង ៥០ គ្រួសារ នៅភូមិខាងលើ បានសម្រេចចិត្តនាំគ្នាផ្តិតមេដៃប្ដឹងចូល លោកឧត្តមសេនីយ៍ទោ អាត់ ខែត ស្នងការនគរបាលខេត្តបនា្ទយមានជ័យ ឲ្យជួយធើ្វអន្ដរាគម ។
កសិដា្ឋនចិញ្ចឹមជ្រូករបស់លោក ចៅ ឆុង កាលពីថ្ងៃ២៦ ខែតុលា ឆ្នាំ២០១៥ កន្លងទៅធា្លប់ត្រូវ
បានសមត្ថកិច្ចកោះហៅឲ្យធ្វើកិច្ចសន្យាចំពោះមុខក្រុមការងារសាលាខេត្តបនា្ទយមានជ័យ ដែលមានមន្ទីរជំនាញ ពាក់ពន្ធ័ចូលរួម និងអាជ្ញាធរមួលដ្ឋាន ដោយបានសន្យាកែសម្រួលលក្ខណៈបចេ្ចកទេស ក្នុងការគ្រប់គ្រងទីតាំងចិញ្ចឹមជ្រូករបស់ខ្លួន កុំឲ្យជះក្លិនប៉ះពាល់ដល់ពលរដ្ឋរស់នៅក្បែរផងដែរ ។ តែរហូតមកដល់ពេលនេះមា្ចស់ទីតាំង
មិនបានអនុវត្ដទេ បញ្ហាក្លិនស្អុយនៅតែបន្ដកើតមាន និងប៉ះពាល់ដល់ការរស់នៅរបស់ពលរដ្ឋដដែល ។
ក្រោយពីទទួលបានពត៌មានខាងលើរួចមក លោកអាត់ ខែម បានដឹកនាំនគរបាល សហការជាមួយអាជ្ញាធរស្រុកមង្គលបូរី បានចុះត្រួតពិនិត្យជាក់សែ្តង ចំពោះកសិដ្ឋានចិញ្ចឹមជ្រូក របស់ឈ្មោះ ចៅ ឆុង នេះលទ្ធផលបានរកឃើញថាទីតាំងនេះពុំមានច្បាប់អនុញាតត្រឹមត្រូវ គ្មានអនាម័យ គា្មនលូបង្ហូរស្ដុកកាកសំណល់លាមកជ្រូក ទើបបណ្ដាលឲ្យមានក្លិន ស្អុយអាសោចពេញភូមិ រកខ្យល់ដកដងើ្ហមមិនបាន ។
ជុំវិញករណីនេះ លោក អាត់ ខែម បានមានប្រសាសន៍ថា យោងកិច្ចសន្យាកន្លងមក ម្ចាស់ទីតាំងមិនអនុវត្ដ សមត្ថកិច្ចមានវិធានការតាមច្បាប់ ត្រូវឲ្យម្ចាស់ទីតាំងចិញ្ចឹមជ្រូកឈ្មោះ ចៅ ឆុង ត្រូវរកទីតាំងថ្មីដែលឆ្ងាយពីកន្លែងពលរដ្ឋរស់នៅហើយយកជ្រូកទាំងអស់ទៅចិញ្ចឹមទីនោះ។ ដើម្បីបព្ចាប់ភាពក្តៅក្រហាយ របស់ពលរដ្ឋ លោកនឹងសុំការអនុញាតពីលោកអភិបាលខេត្តដើម្បីបិទទីតាំងអាជីវកម្មមួយនេះ៕
គង់ សំអឿន
