ខេត្តបន្ទាយមានជ័យ ៖ កាលពីថ្ងៃទី២៩ ខែមេសា ឆ្នាំ២០១៦នេះ បើទោះជាស្រុកមួយចំនួនក្នុងខេត្តត្រូវជួបគ្រោះរាំងស្ងួតក៏ពិតមាន ប៉ុន្តែឯកឧត្ដម អភិបាលខេត្ត មិនបានព្រងើយកន្តើយនឹងបញ្ហានេះទេ ។ អាជ្ញាធរស្រុកបាននាំគ្នាសស្រាក់សស្រាំទាំងយប់ទាំងថ្ងៃ ប្រឹងប្រែអស់ពីកម្លាំងកាយចិត្ត ដើម្បីជួយដល់ប្រជាពលរដ្ថរបស់ខ្លួនក្នុងមួលដ្ឋានយ៉ាងយកចិត្តទុកដាក់ជាទីបំផុត ។
នេះស្ដែងចេញឲ្យឃើញថា ប្រជាពលរដ្ឋគ្រប់រួបសុទ្ធសឹងតែទទូលបានការថែទាំដោយយកចិត្តទុកដាក់បំផុតពីសំណាក់ ឯកឧត្ដម សួន បវរ អភិបាល នៃគណះអភិបាលខេត្ត ហើយបានឆ្លុះបញ្ចាំងឲ្យឃើញច្បាសលាស់ថា ឯកឧត្ដម សួន បវរ បានខួងអណ្ដូងជំរៅ ៩៤ ម៉ែត្រ ឲ្យប្រជាពលរដ្ឋគ្រប់រូបប្រើប្រាស់ទឹកដោយឥតគិតថ្លៃ ។
ឯកឧត្ដម សួន បវរ អភិបាលខេត្តមានប្រសាសន៍បញ្ចាក់ថា អនុវត្តន៍តាមអនុសាសន៍ ដ៍ខ្ពងខ្ពស់របស់ប្រមុខរាជរដ្ថាភិបាលកម្ពុជាក្នុងការធ្វើយុទ្ធនាការដឹកទឹកចែកជូនប្រជាពលរដ្ថខ្វះខាតទឹកប្រើប្រាស់ ដោយឡែក អាជ្ញាធរខេត្តបានទទូលប្រេងចំនួន ៤០០០០ លីត្រ រថយន្តខម ពីអគ្គបញ្ជាការចំនួន១០គ្រឿង ក្រសួងការពារជាតិចំនួន១០គ្រឿង នឹងរថយន្តស្នងការនគបាលខេត្ត ៧ គ្រឿង សរុប ចំនួន ២៧ គ្រឿង ក្នុងការចុះយុទ្ធនាការដឹកទឹកចែកជូនប្រជាជនខ្វះខាតទឹក ក្នុងនោះធ្វើការបែងចែកឡានដឹកទឹក ទៅតាមគោលដៅ ក្រុង,ស្រុក,ទូទាំងខេត្តដើម្បីឲ្យយុទ្ធនាការនេះទទូលបានជោគជ័យ ៕
