បន្ទាយមានជ័យ ៖ អ្នកវិនិយោគភាស៊ីផ្សារចក្រីថ្មីបានឃុបឃិតគ្នាវាស់វែងកន្លែងលក់ដូរប្រចាំថ្ងៃរបស់អាជីវកក្រីក្រមានដូចជា ដាក់គ្រែ កញ្ច្រែង កញ្ជើរ អោយរុះរើដើម្បីយកលក់ឡើងវិញ ក្នុងតំលៃខ្ពស់បំផុត ៤,០០០$ ទៅ ៥,០០០$ ក្នុងមួយកន្លែងកាលពីថ្ងៃទី ៩ ខែមិនា ២០១៦ ។
កន្លែងកំពុងលក់ដូរនេះគឺម្ចាស់ផ្សារមុនឈ្មោះ លោក ទិត្យ លេក បានធ្វើទុកសំរាប់ប្រជាពលរដ្ឋ ឬអាជីវកក្រីក្រមកពីជនបទមានទីកន្លែងសំរាប់លក់ដូរប្រចាំថ្ងៃគឺគាត់គ្រាន់តែយកថ្លៃផាស៊ីសំអាតអនាម័យប្រមូលសំរាមតែប៉ុណ្ណោះជាគោលនយោបាយជួយកាត់បន្ថយភាពក្រីក្ររបស់ប្រជាពលរដ្ឋបែរជាអស់លោកខាងលើមានសកម្មភាពរំលោភបំពានលើកិច្ចសន្យាឆ្នាំ២០០៩របស់អាជ្ញាធម៌ស្រុកជាមួយអ្នកវិនិយោគផ្សារមុន និងការគាំទ្រមានស្នាមមេដៃប្រជាពលរដ្ឋរាប់រយគ្រួសារក្នុងអាណត្តិ ២៥ឆ្នាំ ។
អាជីវកចំនួន៦៨គ្រួសារបានដាក់ពាក្យជូនទៅ ឯកឧត្តមអភិបាលខេត្តចំនួនពីរលើកមកហើយ តែពុំមានឃើញការដោះស្រាយអ្វីសោះ ។ ជាពិសេសសេចក្តីសំរេចរបស់ក្រសួងសេដ្ឋកិច្ច និងហិរញ្ញវត្ថុលេខ៦៥៦ សហវភអច ចុះថ្ងៃទី១០ ខែ កុម្ភះ ឆ្នាំ ២០១៦ អនុញ្ញាតផ្នែកហិរញ្ញវត្ថុវិនិយោគភាស៊ីផ្សារទេ គឺប្រើប្រាស់ថវិការ ២៣០,៥២៨,០០០រៀលតែប៉ណ្ណោះ ដែលប្រមូលភាស៊ីបានជាមអធ្យមក្នុងរយៈពេល១៦ឆ្នាំរហូតដល់ទៅចំនួន ១៤៤០លានឯណោះតើយ៉ាងណាដែរ? នេះគឺជាការបាត់បង់ថវិកាចំណូលរដ្ឋយ៉ាងច្រើនបំផុត ដូច្នេះក្រុមអាជីវកក្រីក្រសុំអំពាវនាវដល់ដល់ឯកឧត្ដមអភិនៃគណះអភិបាលខេត្តដែលឡើងកាន់តំណែងថ្មីមេត្តាជួយដល់អាជិវកក្រីក្រទាំងអស់នេះផង៕
