ឃាត់ខ្លួនជន សង្ស័យម្នាក់ ធ្លាប់ធ្វើកងទ័ពខ្មែរ ក្រហមនៅស្រុកម៉ាឡៃ ដែលបានរក្សាទុក អាវុធខុស ច្បាប់០៣ដើម រកឃើញថ្នាំញៀន ០៥គ្រាប់ ថែមទៀត

ខេត្តបន្ទាយមានជ័យ ៖ បុរសម្នាក់ធ្លាប់ធ្វើកងទ័ពខ្មែរក្រហមបាន រងការចាប់ឃាត់ខ្លួន ពីកម្លាំងនគរបាល ខេត្តបន្ទាយមានជ័យ ក្រោយពីសមត្ថកិច្ច ស្រាវជ្រាវស៊ើបអង្កេតរក ឃើញជនសង្ស័យរូបនោះ បានលាក់ទុកអាវុធ ចំនួន០៣ដើម និងគ្រាប់កាំភ្លើង ជាច្រើនគ្រាប់ផងដែរ ជនសង្ស័យឈ្មោះ ស៊ុម យ៉ុង ភេទប្រុស អាយុ៥៤ឆ្នាំ នៅភូមិអូរកាច់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ជនរូបនេះ ត្រូវបានចាប់ឃាត់ខ្លួន កាលពីល្ងាចថ្ងៃទី២១ ខែមិថុនា ឆ្នាំ២០១៧ នៅផ្ទះជនរបស់ខ្លួន ការចាប់ឃាត់ខ្លួន ជនសង្ស័យនេះដែរ ដឹកនាំកម្លាំងបញ្ជាផ្ទាល់ ដោយលោក ឧត្តមសេនីយ៍ទោ អាត់ ខែម ស្នងការនគរបាល ខេត្តបន្ទាយមានជ័យ ក្រោមការ សម្រប សម្រួលនីតិវីធី ពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូង ខេត្តបន្ទាយមានជ័យ លោកឧត្តមសេនីយ៍ត្រីសិទ្ធ ឡោះ ស្នងការរង ទទួលការងារព្រហ្មទណ្ឌ ឲ្យដឹងថា៖ កម្លាំងនគរបាល ឃាត់ខ្លួនជន សង្ស័យខាងលើ ក្រោយពីទទួលបណ្តឹង ពីប្រជាពលរដ្ឋ១០នាក់ នៅភូមិឃុំជាមួយគ្នា ប្រាប់ថា ឈ្មោះ ស៊ុម យ៉ុង បានជំពាក់លុយ ពួកគាត់ គ្រប់ៗគ្នា ហើយមិនព្រមសង ជំពាក់ប្រាក់ ម្នាក់ៗជិត ១០ឆ្នាំ មកហើយនិងប្រជាពលរដ្ឋ រាយការណ៍ទៀត ថានៅពេលពួកគាត់ ទៅទាប្រាក់ជន សង្ស័យមានកាំភ្លើង គំរាមគំហែងពួកគាត់ ទៀតផងបន្ទាប់ពី ទទួលបានព័ត៌មាន លោក ស្នងការរង ក៏បានសុំគោលការណ៍ លោកឧត្តម សេនីយ៍ទោ. ស្នងការ អាត់ ខែម និង លោកព្រះរាជអាជ្ញា អមសាលាដំបូង ខេត្តបន្ទាយមានជ័យ ភ្លាមៗនោះដែរ លោកក៏ដឹកនាំ កម្លាំងនគរបាល ចុះទៅឆែកឆេរ ផ្ទះជនសង្ស័យ នៅចំណុចខាងលើ ក៏បានរកឃើញ កាំភ្លើង២ដើម ធុន AK ១​ដើម និងធុន CKC ​០១ដើម គ្រាប់ចំនួន៣៧គ្រាប់ បង់ចំនួន០២ និង ថ្នាំញៀន ០៥គ្រាប់ នៅពេលនោះ កម្លាំងនគរបាលក៏បានឃាត់ ខ្លួនជនសង្ស័យ យកមកសាកសួរ នៅអធិការដ្ឋាន នគរបាលស្រុកម៉ាឡៃ ក្រោយពីសាកសួរជន សង្ស័យរូបនេះរួចហើយ កម្លាំងនគរបាលយើង ក៏បានឈានទៅ ធ្វើការឆែកឆេរ ផ្ទះបក្ខពួកជន សង្ស័យម្នាក់ទៀត ឈ្មោះ ឡៃ រស់នៅភូមិ ឃុំ ជាមួយគ្នា សមត្ថកិច្ច ក៏បានរកឃើញ អាវុធ០១ដើមទៀត ធុន AK47 ​គ្រាប់ចំនួន០៥គ្រាប់ និងបង់គ្រាប់ចំនួន ១ ផងដែរ។ចំណែក ជនសង្ស័យឈ្មោះ ឡៃបានរត់គេចខ្លួនបាត់ នៅមុនសមត្ថកិច្ចបានចុះទៅដល់ ផ្ទះរបស់ខ្លួន លោកស្នងការរង បានបញ្ជាក់ឱ្យ ដឹងទៀតថា នៅចំពោះមុខសមត្ថកិច្ច ជនសង្ស័យ ឈ្មោះ ស៊ុម យ៉ុង បានសារភាពថា៖ រូបគេអតីត ជាជាទាហានខ្មែរក្រហម លុះក្រោយពីធ្វើ សមាហរណកម្ម រួចមក រូបគេក៏បានឈប់ ធ្វើជាទាហាន មកធ្វើជាពលរដ្ឋប្រកបមុខរបរជាធម្មតា កាំភ្លើង៣ដើម ខាងលើរូបគេនិង បក្ខពួកម្នាក់ទៀត រក្សាទុកចាប់តាំង ពីសម័យពួកគេធ្វើ ជាទាហានខ្មែរ ក្រហមមកម្លេះ ដើម្បីទុកការពារភូមិ ប៉ុណ្ណោះគ្មានបំណង យកទៅ ធ្វើសកម្មភាពប្លន់នោះឡើយ ជនសង្ស័យ ឈ្មោះ ស៊ុម យ៉ុងបានរង ការចោទពី បទរក្សាទុកអាវុធ ខុសច្បាប់ អនុវត្តខុសនិង គោលនយោបាយ ភូមិឃុំមានសុវត្ថិភាព និង រងការចោទប្រកាន់ មួយករណីទៀត ពីបទរំលោភ លើទំនុកចិត្ត ជនសង្ស័យ រួមនិងវត្ថុតាង នៅព្រឹកថ្ងៃទី២២ ខែមិថុនា ឆ្នាំ២០១៧នេះ ត្រូវបាន កម្លាំងនគរបាល ការិយាល័យជំនាញ បានកសាង សំណុំរឿង បញ្ជូនខ្លួន ទៅសាលាដំបូង ខេត្តបន្ទាយមានជ័យ ដើម្បីយកទៅ ចាត់វិធាន ការបន្ត ទៅតាមផ្លូវច្បាប់ ជាធរមាន៕