បន្ទាយមានជ័យ ៖ កាលពីថ្ងៃទី ២៣ ខែមករា ឆ្នាំ២០១៦ វេលាម៉ោង ៨ និង ៤០ នាទីព្រឹក លោកវរសេនីយ៍ត្រី ស៊ិន ដៀប បានដឹកនាំកម្លាំងចុះជួយសាងសង់ផ្ទះ ជូនប្រជាពលរដ្ឋក្រីក្រចំនួនមួយខ្នង នៅចំណុចភូមិរោន ឃុំស្ពានស្រែ ស្រុកភ្នំស្រុក ខេត្តបន្ទាយមានជ័យ ឈ្មោះឡេង នឿម ភេទស្រី អាយុ ៦៥ឆ្នាំ ដែលមានទំហំ ៥.៥×៨ ម៉ែត ប្រកស័ង្កសី ។
នេះសបញ្ចាក់ឲ្យឃើញថា លោកវរសេនីយ៍ត្រី ស៊ិន ដៀប លោកជាមន្ត្រីប៉េអឹម ប្រចាំស្រុកភ្នំស្រុក មានទឹកចិត្តអាណិតអាសូរដល់ប្រជាពលរដ្ឋក្រីក្រ ដោយលោក បានចំណាយថវិកាផ្ទាល់ខ្លួនរបស់លោក ដើម្បីជួយដោះស្រាយទុក្ខលំបាករបស់ប្រជាពលរដ្ឋ ។
ប្រជាពលរដ្ឋរស់នៅក្នុងស្រុកភ្នំស្រុកទាំងមូលបានកោតសរសើលោកយ៉ាងខ្លាំង និងបាននាំគ្នាជូនពរដល់លោកវរសេនីយ៍ត្រី ស៊ិន ដៀប ឲ្យប្រកបការងារ ឲ្យបានជោគជ័យ រាល់ភារកិច្ច និងជួយថែរក្សាភូមិឃុំ ស្រុក ឲ្យមានសន្តិសុខ និង សុវត្ថិភាពល្អ នៅថ្ងៃអនាគត ៕
អត្ថបទ រូបភាព គង់ សំអឿន
