ថ្នាំញៀនជាង៩០មុឺនគ្រាប់ ត្រូវតម្រួតថៃក្របួចបាន

ប្រទេសថៃ ៖ ជនសង្ស័យចំនួន៣នាក់ រួមជាមួយនឹងថ្នាំញៀន ជិត១លានគ្រាប់ ត្រូវបានកំលាំងជំនាញនៃ អង្គភាពប្រឆាំង គ្រឿងញៀន នៅខេត្តប្រៈជួប តាមប្រមាញ់ បង្ក្រាបាន បន្ទាប់ពីទទួលដំណឹង ពីកំលាំងសម្ងាត់ ក្នុងរយៈពេល ២ថ្ងៃរួចមក យោងតាមរបាយការណ៍ ដែលយើងទទួលបាន គឺ នៅវេលាម៉ោង ៨ និង៣០នាទីព្រឹកថ្ងៃទី៩ មិថុនាឆ្នាំ២០១៧ អង្គភាពប្រឆាំង គ្រឿងញៀន ស្នងការដ្ឋាន តម្រួតខេត្តប្រៈជួប ប្រទេសថៃ បានពង្រាយកំលាំង ដើម្បីស្ទាក់ចាប់ រថយន្តពីរគ្រឿង ដែលគេសង្ស័យថា អាចមានការរត់ពន្ធ នូវសារធាតុញៀន យកទៅចែកចាយ តាមបណ្តាខេត្ត មួយចំនួន នៅភាគខាង ត្បូងនៃប្រទេសថៃ នៅពេលនោះដែរមុខសញ្ញាទី១ ក៏បានបង្ហាញខ្លួន គឺជារថយន្តម៉ាក អុីស៊ុយៗ ពណ៌ខ្មៅ ពាក់ស្លាកលេខ បាងកក ៦៩៦៣ ក្នុងពេលនោះដែរ កំលាំងបាន អោយសញ្ញា បញ្ជាអោយបញ្ឈប់យាន ដើម្បីត្រួតពិនិត្យ ដោយក្នុងនោះ ដែរមានមនុស នួន០២នាក់ គឺអ្នកបើកបរ មានឈ្មោះ សុថាត់ ក្រៈចាយសិរី ភេទប្រុស អាយុ៤៥ឆ្នាំ រស់នៅភូមិ៤ ឃុំបុះឫស្សី ស្រុកមឿងសុរិន្ទ ខេត្តសុរិន្ទ និងអ្នករួមដំណើរ មានឈ្មោះ ខាំរ៉ុន ច័ន្ទអន ភេទប្រុស អាយុ៣១ឆ្នាំ រស់នៅភូមិ០៣ ឃុំបួវឌ្ឍនា ស្រុកណងផៃ ខេត្តភិតប៊ូន ក្រោយការត្រួតពិនិត្យ ទោះបីដឹងថា រថយន្តនេះគឺ កំលាំងសម្ងាត់បាន បញ្ជាក់យ៉ាងច្បាស់ ក៏ដោយ ក៏ការត្រួតពិនិត្យនេះ ពុំមានជួបប្រទះ ឃើញអ្វីដែលខុសច្បាប់ នោះឡើយ ក៏ប៉ុន្តែ មិនបានប៉ុន្មាននាទីផង មុខសញ្ញាទី២ ក៏បានបង្ហាញខ្លួន គឺជារថយន្ត ប្រភេទម៉ាស្តារពណ៌ស ពាក់ស្លាកលេខ បាងកក ៦៧៥៩ ) ដោយមានអ្នកបើកបរ តែម្នាក់គត់នៅក្នុង រថយន្ត គឺមានឈ្មោះ បឋម ផន ស្ងៀមនុកូល ភេទប្រុស អាយុ២៧ឆ្នាំ រស់នៅភូមិ០៤ ឃុំណាតាខ្វាន់ ស្រុកមឿង ខេត្តរៈយ៉ង ដោយកំលាំងបាន ឆែកឆេរនៅក្នុងរថយន្ត បានប្រទះឃើញមាន ថ្នាំញៀនប្រភេទយ៉ាម៉ា មានចំនួន ៤៥៦ដុំ ស្មើនឹង៩១២ ០០០ គ្រាប់ យោងតាមចំលើយ សារភាព ពួកគេទាំង៣ បាននិយាយថា ជាការដឹកសុីឈ្នួលអោយគេ តែប៉ុណ្ណោះ ដោយដឹកចេញពីស្រុក ថាអ៊ុថេន ស្ថិតក្នុងខេត្តនគរភ្នំ ទៅកាន់ខេត្តចំនួន០៣ នៅភាគខាងត្បូង នៃប្រទេសថៃ ជាពិសេសគឺខេត្តសុងខ្លា ដោយមានឈ្មួញធំៗ ជាច្រើន រង់ចាំទទួល នៅទីនោះផ្ទាល់ ហើយពួកគេក្នុងម្នាក់ៗ ទទួលបានប្រាក់ឈ្នួល ៥មុឺនបាត បច្ចុប្បន្នកំលាំងជំនាញ បាននាំខ្លួនពួក គេទាំង០៣នាក់ រួមជាមួយនឹងវត្ថុតាង ទៅកាន់ស្នងការ ខេត្តដើម្បីសាកសួរបន្ត និងចាត់វិធាន ការតាមផ្លូវច្បាប់៕