(ព្រះវិហារ)៖ នៅចំពោះមុខសមាជិក សមាជិកា គណបក្សប្រជាជនកម្ពុជា ជាង១០០០នាក់ នៅខេត្តព្រះវិហារ នៅព្រឹកថ្ងៃទី១៩ ខែឧសភា ឆ្នាំ២០១៧នេះ លោក មាស សុភា សមាជិកអចិ ន្ត្រៃយ៍គណៈ កម្មាធិការកណ្តាល គណបក្សប្រជាជនកម្ពុជា និងជាប្រធាន ក្រុមការងារថ្នាក់ កណ្តាលចុះជួយ ខេត្តព្រះវិហារ បានថ្លែងថា «គណបក្សប្រជាជនកម្ពុជា គឺជាអ្នកសង្រ្គោះជាតិ សង្គ្រោះប្រជាពលរដ្ឋ ពិតប្រាកដ ខុសពីគណបក្សខ្លះ ដែលសង្រ្គោះ តែមនុស្សខូច និងអ្នកដែលបង្កច លាចលក្នុងសង្គម»
ការថ្លែងរបស់ លោក មាស សុភា បែបនេះ ក្នុងឱកាសដែល លោករួមជាមួយ លោក អ៊ុន ចាន់ដា ប្រធានគណបក្ស ខេត្តព្រះវិហារ បានអញ្ជើញ ជួបសំណេះសំណាល ជាមួយភ្នាក់ងារ សង្កេតការណ៍ តាមការិយាលយ័បោះឆ្នោត រាប់សន្លឹកឆ្នោត ទាំង៣២៨ សម្រាប់ការបោះឆ្នោត ជ្រើសរើសក្រុមប្រឹក្សាឃុំ សង្កាត់ អាណត្តិទី៤ នាថ្ងៃទី៤ ខែមិថុនា ឆ្នាំ២០១៧ ខាងមុខនេះ លោក មាស សុភា បានលើកឡើងថា គណបក្សប្រជាជនកម្ពុជា គឺជាគណបក្ស មួយដែលមានវ័យ ចំណាស់ជាងគេ ខាងនយោបាយ គឺបង្កើតឡើង បានរយៈពេលជាង ៦០ឆ្នាំហើយ ថែមទាំងបាន ជួយសង្រ្គោះជាតិ និងប្រជាពលរដ្ឋ ឲ្យរួចផុតពីទុក្ខ លំបាកនានា ដែលខុសពី គណបក្សសង្រ្គោះខ្លះ ដែលតែងតែសង្រ្គោះ តែអ្នកខិលខូចបង្កច លាចលក្នុងសង្គមជារឿយៗ
លោកបានបន្តថា គណបក្សប្រជាជនកម្ពុជា គឺជាគណបក្ស មួយដែលមានការ គាំទ្រយ៉ាងច្រើន លើសលប់ពី ប្រជាពលរដ្ឋ ដូច្នេះហើយទើប យើងធ្វើការ ដឹកនាំប្រទេស ជាតិបានយូរ និងបាននាំមក នូវសុខសន្តិភាព និងការអភិវឌ្ឍន៍ គ្រប់វិសយ័ជូន ជាតិមាតុភូមិ និងប្រជាពលរដ្ឋ ខ្មែរយើងបើគ្មាន គណបក្ស ប្រជាជនកម្ពុជាទេ ក៏យើងគ្មានថ្ងៃនេះដែរ ដូច្នេះការដើរ ឃោសនាបោប្រាស់របស់ បក្សនយោបាយ មួយចំនួន ដែលតែងតែវាយ ប្រហារមកលើ គណបក្សប្រជាជនកម្ពុជា គឺប្រជាពលរដ្ឋ លែងជឿទៀតហើយ លោកបានថ្លែង ប្រាប់ឲ្យប្រជាពលរដ្ឋ បន្តការគាំទ្រ គណបក្សប្រជាជនកម្ពុជា ដើម្បីយើងឈាន ឆ្ពោះទៅរកជ័យជំនះ សំរាប់ការបោះឆ្នោត ជ្រើសរើសក្រុមប្រឹក្សាឃុំ សង្កាត់ ឆ្នាំ២០១៧ និងបោះឆ្នោត ជ្រើសរើសតំណាងរាស្ត្រ ឆ្នាំ២០១៨ ខាងមុខនេះ និងសូមឲ្យភ្នាក់ងារ សង្កេតការរបស់យើង ត្រូវរួមសាមគ្គីគ្នា យកចិត្តទុកដាក់ ធ្វើការតាមដាន សកម្មភាពថ្ងៃ បោះឆ្នោតនៅតាម ការិយាល័យនានា ខាងមុខនេះឲ្យបានល្អ៕
