បន្ទាយមានជ័យ ៖ តាមរភ្នាក់ងារនាក់យកព័ត៌មានអំណាចប្រជាជន បានអោយដឹងថា នៅវេលាម៉ោង១២និង៣០នាទីថ្ងៃទី១១ ខែសីហា ឆ្នាំ២០១៦ មានករណីគ្រោះថា្នក់ចរាចរណ៍មួយកើតឡើង នៅលើកំណាត់ផ្លូវលេខ២៥៨Dស្ថិតក្នុងភូមិយាងថ្មីឃុំកូប ស្រុកអូរជ្រៅ ខេត្តបន្ទាយមានជ័យ មានរថយន្តដឹកជ្រូកបើកធា្លក់ប្រឡាដោយខ្លួនឯងរថយន្តម៉ាកតូរីស ពណ៌ខៀវក្រហម គ្មានសា្លកលេខ ធ្វើដំណើរពីជើងទៅត្បូង ក្រោយគ្រោះថា្នក់រួចអ្នកបើកបររថយន្តរត់គេចខ្លួនបាត់ ។
អ្នកយកព័ត៌មានបានឲ្យដឹងថា ក្នុងរថយន្តនោះមានអ្នករួមដំណើរ២នាក់ ៖ ១-ឈ្មោះ បូ ផាន់ណា ភេទប្រុស អាយុ២៨ឆ្នាំ រស់នៅស្រុកសំឡូត ខេត្តបាត់ដំបង (បណ្តាលឲ្យសា្លប់នៅនឹងកនែ្លង)។
២-ឈ្មោះ ខាត់ សល់ ភេទប្រុស អាយុ១៨ឆ្នាំ រស់នៅស្រុកសំឡូត ខេត្តបាត់ដំបង (មិនរងរបួសទេ)។
តាមភ្នាក់ងារយកព័ត៌មានបានអោយដឹងទៀតថា រថយន្តដឹកជ្រូកនោះឡើងវ៉ាកង់បី ជ្រុលចង្កូត បណ្តាលអោយធា្លក់ក្រឡាប់ចូលប្រឡាយតែម្តង។
សាកសពត្រូវបានក្រុមគ្រួសារដឹកតាមរថយន្តពេទ្យទៅស្រុកកំណើតធ្វើបុណ្យតាមប្រពៃណី ចំណែករថយន្ដរក្សាទុកនៅអធិការដា្ឋននគរបាលស្រុកអូរជ្រៅ ៕
